დღეს, 12 დეკემბერს, ევროკავშირის საბჭომ მიიღო გადაწყვეტილება, ბულგარეთთან და რუმინეთთან საზღვრის კონტროლის გაუქმებაზე, რაც გულისხმობს, რომ ქვეყნები შენგენის ზონის წევრები გახდნენ.

ქვეყნები შენგენის სივრცეს ოფიციალურად 2025 წლის 1 იანვარს შეუერთდებიან.

ევროკავშირმა რუმინეთსა და ბულგარეთს სასაზღვრო შეზღუდვების ნაწილობრივი მოხსნის განკარგულება 2023 წლის ბოლოს გასცა, ხოლო 2024 წლის 30 მარტს აღსრულდა და ქვეყნების საჰაერო და საზღვაო საზღვრები შენგენის ზონაში შევიდა.

ამასთან, რუმინეთმა და ბულგარეთმა ჯერ კიდევ 2010 წელს შეასრულეს ტექნიკური ვალდებულებები, თუმცა შენგენის ზონაში შესვლაზე უარი ნიდერლანდებისგან და ავსტრიისგან მიიღეს.