ქართული ოცნების პარლამენტის წევრი, ირაკლი კობახიძის ადგილმონაცვლე არჩილ გორდულაძე საპროტესტო აქციებზე ლაზერის გამოყენების აკრძალვის ინიციატივით გამოვიდა. გორდულაძის ეს განცხადება მოჰყვა აქციაზე ნიღბების ტარების აკრძალვის ინიციატივაზე საუბარს.

"პრაქტიკამ აჩვენა, რომ ხშირია გამოიყენება ლაზერების, სანათების შეკრებების დროს, რომელიც თავის მხრივ, პრობლემებს წარმოშობს იმ ორგანოების საქმიანობის მიმართ, რომელთა პასუხისმგებლობაც არის, რომ ადამიანების სიცოცხლე და ჯანმრთელობა უზრუნველყოფილი იყოს და მოხდეს შესაბამისი პრევენცია სამართალდარღვევებისა. ხშირად არის გამოყენებული ეს ლაზერები იმისათვის, რომ მინათებული იყოს სხვადასხვა კამერაზე, რომელიც უზრუნველყოფს მეთვალყურეობას. ამავდროულად, შესაძლებლობა ნაკლები აქვთ მოხელე სამართალდამცავებს, რომ თავიანთ საქმიანობა განახორციელონ, მაშინ როდესაც ლაზერები აქვთ მინათებული. გთავაზობთ, რომ ლაზერებიც არ იყოს დასაშვები შეკრებების დროს", — განაცხადა არჩილ გორდულაძემ.