ენერგეტიკის სექტორში შექმნილი მძიმე ვითარების გამო, თვითგამოცხადებული აფხაზეთის რესპუბლიკის ხელისუფლებამ 11-დან 17 დეკემბრის ჩათვლით სასწავლო პროცესის შეჩერების გადაწყვეტილება მიიღო. ინფორმაციას ეხო კავკაზა ავრცელებს.

"გადაწყვეტილება სკოლებისა და საბავშვო ბაღების გათბობასთან დაკავშირებული სირთულეებით არის განპირობებული", — განაცხადა დე ფაქტო პრეზიდენტის მოვალეობის შემსრულებელმა ბადრა გუნბამ.

ე.წ. განათლების მინისტრის ივან გაბლია იმასაც ამბობს, რომ სკოლებსა და საბავშვო ბაღებში დამატებითი შვებულების პერიოდი ცხადდება.

"თანამშრომლებს დამატებით შვებულების პერიოდს ვთავაზობთ, ინფორმაციას მივაწვდით მასწავლებლებს, სკოლებისა და კოლეჯების დირექტორებს, სკოლამდელი აღზრდის დაწესებულებების ხელმძღვანელებს, რათა მათ გააკონტროლონ სასწავლო პროცესი და ბავშვებმა ისწავლონ სახლში", — აღნიშნა გაბლიამ.

რაც შეეხება გრაფიკს, ჩერნომორენერგოს ინფორმაციით, ელექტროენერგია აბონენტებს დღეში ორჯერ — 2 საათით და 20 წუთით მიეწოდებათ.

გარდა ამისა, კრიპტოვალუტის მაინინგთან ბრძოლის გაძლიერების მიზნით, ოკუპირებულ აფხაზეთში აფხაზ აბონენტებს 00:00 საათიდან 07:00 საათამდე ინტერნეტის მიწოდება შეეზღუდებათ.