ვგმობთ ძალადობას, გვჯერა, რომ საქართველოს ევროპული გზა უალტერნატივოა!, — ამის შესახებ სამშენებლო და სარემონტო მასალების კომპანია ნოვა სოციალურ ქსელში წერს და ქვეყანაში მიმდინარე მოვლენებს ეხმაურება. გავრცელებულ განცხადებაში წერია, რომ კომპანია მრავალი წელია ევროპული სტანდარტებითა და ინვესტიციებით ქმნის ქართულ პროდუქტს და ეს ღირებულებები აერთიანებს ნოვას 1000-ზე მეტ თანამშრომელს.

"საქართველოსა და ევროკავშირს შორის ურთიერთობა 1991 წლიდან დაიწყო, იმ დროიდან, როდესაც საქართველომ მოიპოვა დამოუკიდებლობა. 1991 წლიდან ქართველი ხალხი ცდილობს დაიცვას სწორედ ის ღირებულება, რომელიც ამ სიტყვებშია გადმოცემული: "მე ვარ ქართველი, და მაშასადამე, ვარ ევროპელი".

ჩვენ მრავალი წელია ევროპული სტანდარტებითა და ინვესტიციებით ვქმნით ქართულ პროდუქტს, სწორედ ეს ღირებულებები გვაერთიანებს ნოვას 1000-ზე მეტ თანამშრომელს, სწორედ ეს ღირებულებები ქმნის კომპანია ნოვას.

ვგმობთ ძალადობას, გვჯერა, რომ საქართველოს ევროპული გზა უალტერნატივოა!", — ნათქვამია ნოვას განცხადებაში.