სენაკში, დისლოცირებული სამხედრო ნაწილის საცხოვრებელი კორპუსის მიმდებარე ტერიტორიაზე, განთავსებული საქართველოს ბანკის ბანკომატის ქურდობის მცდელობის ბრალდებით ძებნილი პირი დაკავებულია.

ფაქტი 2017 წლის 24 მაისს მოხდა. თავდაცვის სამინისტროს სამხედრო პოლიციის დეპარტამენტმა და მთავარმა პროკურატურამ აღნიშნული დანაშაულისთვის ერთი პირი 17 აგვისტოს დააკავა, ხოლო თანამზრახველზე ძებნა იყო გამოცხადებული.

ძებნილი პირი საზღვრის პირა ერთ-ერთ სოფელში იმ დროს დააკავეს, როდესაც ის მიმალვაში იმყოფებოდა.

დაკავებულებს, დაუსწრებლად, წარედგინათ ბრალდება, ხოლო ქუთაისის საქალაქო სასამართლომ ორივე ბრალდებულს 19 აგვისტოს აღკვეთის ღონისძიების სახით შეუფარდა - პატიმრობა.

დანაშაულის დამტკიცების შემთხვევაში, ორივე პირს 13 წლამდე ვადით თავისუფლების აღკვეთა ემუქრება.