ბერლინში ქართველი ემიგრანტების აქციაზე ბუნდესტაგის ევროპის კომიტეტის ლიდერი ანტონ ჰოფრეიტერი იმყოფებოდა. მან სოლიდარობა გამოუცხადა შეკრებილებს და განაცხადა, რომ საქართველოში ჩატარებული არჩევნები არ ყოფილა არც თავისუფალი, არც სამართლიანი, ამიტომ ახალი არჩევნების ჩატარებაა საჭირო. ჰოფრეიტერი მიმდინარე საპროტესტო აქციებსაც გამოეხმაურა და თქვა, რომ მისი მოლოდინია, პოლიცია ხალხის მხარეს დადგება და შეწყვეტს თავისი მოქალაქეების ცემას.

"საქართველოში ჩატარებული არჩევნები არ ყოფილა არც თავისუფალი, არც სამართლიანი, არამედ გაყალბდა მასშტაბურად, ამიტომ ერთადერთი სამართლიანი მოთხოვნა უნდა იყოს ახალი არჩევნების ჩატარება. ჩემი მოლოდინია პოლიციის მიმართ, რომ ისინი შეწყვეტენ თავიანთი მოქალაქეების ცემას და დადგებიან ხალხის მხარეს. აუცილებელია გავიაზროთ, რომ ძალადობა არ არის გამოსავალი. საჭიროა სამართლიანი და თავისუფალი არჩევნები და დემოკრატიული და სამართლიანი სახელმწიფოს გაძლიერება. ის, რაც ხდება საქართველოში მნიშვნელოვანი ევროპისთვის. საკითხი მდგომარეობს იმაში — რა უფრო მნიშვნელოვანია ხალხის გადაწყვეტილება, თუ ოლიგარქის ნება? ამიტომ მიმაჩნია, რომ ევროკავშირის და გერმანიის ამოცანაა, დადგნენ ხალხის გვერდით", — განაცხადა ანტონ ჰოფრეიტერმა.