თბილისის იუსტიციის სახლებში მოქალაქეები გაფიცვის მოწოდებით აქციებს მართავენ. ვარკეთილის იუსტიციის სახლში აქციის მონაწილეები ნოემბრის აქციებში დაშავებული ადამიანების ფოტოებითა და ტრანსპარანტებით მივიდნენ და იუსტიციის სახლის თანამშრომლებს პროტესტის გამოხატვისა და გაფიცვისკენ მოუწოდებდნენ.

აქცია იუსტიციის სახლში

აქცია იუსტიციის სახლში

მათ ბანერებზე ვკითხულობთ: "გაიფიცე შენი უფლებაა", "ვითხოვთ ახალ არჩევნებს".

"ჩვენ თბილისში, სამ სხვადასხვა ლოკაციაზე მივედით იუსტიციის სახლებში, ვფიქრობთ, რომ პროტესტი უნდა გადავიდეს ახალ ეტაპზე და საჯარო სამსახურებში დასაქმებულმა ადამიანებმა უნდა დაიწყონ გაფიცვა. ჩვენ ვხვდებით, რომ ეს შემდეგი ეტაპია და მძიმე, მაგრამ ხელისუფლება სხვა გამოსავალს აღარ გვიტოვებს. ჩვენ მოვუწოდეთ მოქალაქეებმა, მივმართეთ იუსტიციის სახლის თანამშრომლებს, რომ შეჯერდნენ ერთმანეთთან თანამშრომლები და გაიფიცონ", — აცხადებს NEWS.On.ge-სთან აქციის მონაწილე.