საქართველოს საგარეო საქმეთა მინისტრის ყოფილი მოადგილის, თეიმურაზ ჯანჯალიას შვილი, დავით ჯანჯალია აცხადებს, რომ მისი ინფორმაციით, მასზე და მისი ოჯახის წევრებზე ფიზიკურ თავდასხმას გეგმავენ, — ამის შესახებ დავით ჯანჯალია Facebook-ზე

"მოკლედ რომ მოგახსენოთ მეგობრებო - ერთდროულად რამდენიმე წყაროდან მომივიდა ინფორმაცია, რომ კონკრეტულად ჩემზე და ჩემი ოჯახის წევრებზე იგეგმება ფიზიკური თავდასხმა. ეს შესაძლოა მოხდეს სადარბაზოსთან, აქციაზე, თუ სხვა გარემოებაში.

მამამ - თეიმურაზ ჯანჯალიამ დატოვა საქართველოს საგარეო საქმეთა მინისტრის მოადგილის თანამდებობა. კაცმა, რომელმაც საკუთარი ცხოვრების 26 წელიწადი შესწირა ქვეყნის სამსახურს, რომელსაც ყოველთვის გულწრფელად სჯეროდა, და დღესაც სჯერა, რომ ქართველი ერი იმსახურებს იმ მომავალს, რაზეც ოცნებობდნენ ილია ჭავჭავაძე, ვაჟა- ფშაველა თუ გიორგი მაზნიაშვილი.

თუ რაიმე მოხდა, მსურს რომ წინასწარ გაგაჩნდეთ მოცემული ინფორმაცია, რადგან ჯანჯალიები არასოდეს დავხრით თავს - მითუმეტეს ჩვენი სამშობლოს და შესაბამისად პირადი მოსისხლე მტრის, რუსეთის წინააღმდეგ და თუკი რაიმე მოხდა, სანამ იმედი და ბოზ-პოსტვ ააგორებენ რაიმე მარაზმატიკულ ბოდვას ჩემი ან ჩემი ოჯახის "კრიმინალობის" თუ "ტერორისტობის" შესახებ, თქვენ უკვე ფლობთ ავთენტურ ინფორმაციას პირადად ჩემგან", — წერს ის.

შეგახსენებთ, საგარეო საქმეთა მინისტრის მოადგილემ თეიმურაზ ჯანჯალიამ თანამდებობა 30 ნოემბერს დატოვა.