ლგბტ აქტივისტები ლევან ბერიანიძე და თორნიკე კუსიანი სასამართლომ ხელწერილის საფუძველზე გაათავისუფლა. სასამართლოს გადაწყვეტილება რამდენიმე წუთის წინ გახდა ცნობილი.

სასამართლო განიხილავდა მათ მიერ ადმინისტრაციული კოდექსის 166-ე (წვრილმანი ხულიგნობა) და 173-ე (პოლიციისთვის დაუმორჩილებლობა) მუხლის დარღვევაზე მსჯელობას შაბათს განაახლებს.

თანასწორობის მოძრაობის დირექტორი ლევან ბერიანიძე, რომელიც პოლიციელებს ჰომოფობიურ ნიადაგზე ცემაში ადანაშაულებს ამბობს, რომ სამართალდამცავები მათ შეურაცხყოფას აყენებდნენ და ჰომოფობიური სიტყვებით მოიხსენიებდნენ.

"[გვეუბნებოდნენ] პიდარასტებო, ჩვენი პატრიარქის ქვეყანაში როგორ ხართ, თქვენაირი ბინძურები როგორ უნდა დავიცვათ", - განაცხადა ლევან ბერიანიძემ სასამართლო სხდომათა დარბაზში.

25 აგვისტოს, გამთენიისას, ბათუმის ბულვარში პოლიციამ თანასწორობის მოძრაობის აღმასრულებელი დირექტორი ლევან ბერიანიძე და ორგანიზაციის წევრი თორნიკე კუსიანი დააკავა. დაკავებულების სხეულზე ფიზიკური ძალადობის კვალზე შსს აცხადებდა, რომ "დაუდგენელი პირები და დაკავებულები ერთმანეთს ფიზიკურ და სიტყვიერ შეურაცხყოფას აყენებდნენ", თუმცა ადგილზე მისულ სამართალდამცველებს ბერიანიძე და კუსიანი არ დაემორჩილნენ და პოლიციამ ისინი დააკავა.