ბათუმის სახელმწიფო უნივერსიტეტში სასწავლო პროცესი ნაწილობრივ ჩაიშალა, სტუდენტთა უმეტესობა ლექციებზე დასასწრებად არ მივიდა. მანამდე სტუდენტებმა გაავრცელეს განცხადება, სადაც წერდნენ, რომ არ ეთანხმებიან ქართული ოცნების გადაწყვეტილებას, უარი თქვას ქვეყანამ ევროკავშირში გაწევრიანების პროცესზე და წერდნენ, რომ პროტესტის ნიშნად ლექციებზე არ შევლენ.

სტუდენტების პროტესტს ბათუმის სახელმწიფო უნივერსიტეტის 25-მდე პროფესორი და მოწვეული ლექტორი შეუერთდა. ისინი აცხადებენ, რომ ახლა ქვეყნის ინტერესების დაცვის დროა.

ბათუმის სახელმწიფო უნივერსიტეტის სტუდენტთა ნაწილის პროტესტს ბათუმის ხელოვნების უნივერსიტეტის და საზღვაო აკადემიის სტუდენტებიც შეუერთდნენ.

პროტესტის ნიშნად სწავლა შეწყვეტილია ბათუმის მე-2, მე-5 და მე-8 საჯარო სკოლებში.