გიჟმა დეიდამ სალომემ განაცხადა, რომ სკამს არ თმობს, რადგან არჩევნების შედეგებს არც ცნობს. ამისთვის ხალხს ბოძებზე კიდებდნენ, — ამის შესახებ რუსეთის უშიშროების საბჭოს თავმჯდომარის მოადგილე, დიმიტრი მედვედევი Telegram-ზე წერს.

"ქუჩაში ხალხის ნაწილი ყვირის, ანგრევს და ცეცხლს უკიდებს ყველაფერს. მეორე ნაწილი დუმს. საქართველოს ვადაგასულმა „პრეზიდენტმა“, ზბიგნევ ბჟეზინსკის გულმოდგინე ფრანგმა სტუდენტმა, გიჟმა დეიდამ სალომემ განაცხადა, რომ სკამს არ თმობს, რადგან არჩევნების შედეგებს არც ცნობს. ამისთვის ხალხს დენის ბოძებზე კიდებდნენ. ახლა ჰუმანური დროა. ესეც გაივლის", — წერს მედვედევი.

მისი თქმით, არსებობს ყველა წინაპირობა იმისა, რომ საქართველო კიდევ ერთხელ აღმოჩნდეს სამოქალაქო კონფლიქტის მდგომარეობაში და ქვეყანა უკრაინის გზას ადგას

"ესეც ჩაივლის. ზოგადად, ყველა წინაპირობა არსებობს იმისათვის, რომ საქართველო კიდევ ერთხელ აღმოჩნდეს სამოქალაქო დაპირისპირებების უფსკრულში და აიძულონ არჩევანი გააკეთოს, ერთი მხრივ, გათავხედებულ ევროკავშირს, NATO-სა და აშშ-ს და, მეორე მხრივ, საქართველოს უძველეს მიწას შორის. მოკლედ, მეზობლები სწრაფად დგებიან უკრაინის გზაზე ბნელი უფსკრულისკენ. ჩვეულებრივ, ეს ძალიან ცუდად მთავრდება", — განაცხადა მედვედევმა.