საპროტესტო აქციაზე პროფესიული მოვალეობის შესრულების დროს დაკავებულ პუბლიკის ჟურნალისტს, ალექსანდრე ქეშელაშვილს ცხვირზე ოპერაცია ჩაუტარდა.

ჟურნალისტს, სპეცრაზმელები დაკავებისას ფიზიკურად გაუსწორდნენ.

"სრულიად გაუგებარ სიტუაციაში დამაკავეს და მცემეს ნიღბიანმა პირებმა, გამოცვივდნენ მოქალაქეების დასაკავებლად, მე გვერდით ვიყავი, მაგრამ მაინც უფრო უკან დახევას ვცდილობდი და ამ დროს წამავლეს ხელი. თავიდანვე ვუმეორებდი, რომ ჟურნალისტი ვარ, მაგრამ მგონი მაგან პირიქით იმოქმედა, ისეც მაგინებდნენ და მერე ჟურნალისტობის გამოც დამიმატეს.

ერთგვარ კორიდორში გამატარეს, სადაც მირტყამდნენ ხელებს და ფეხებს, ძირითადად, სახეში. წამართვეს კამერები, ბეიჯი, აირწინაღი. ასე ხელიდან ხელში გადავყავდი და ყველა სათითაოდ მირტყამდა, სანამ ჭიჭინაძის ქუჩიდან პარლამენტის უკანა ტერიტორიის გავლით, 9 აპრილის ქუჩამდე არ ამიყვანეს, იქ გამიკეთეს ბორკილები" — აცხადებს ალექსანდრე ქეშელაშვილი.

შეგახსენებთ, მშვიდობიანი აქციის დარბევისას 20-ზე მეტი ჟურნალისტი და ოპერატორი დაშავდა. "პუბლიკის" ჟურნალისტს, ალექსანდრე ქეშელაშვილს ცხვირზე ოპერაცია ჩაუტარდა. მას სპეცრაზმელები დაკავებისას ფიზიკურად გაუსწორდნენ. ასევე აქციაზე მძიმედ დაშავდა "ფორმულას" ჟურნალისტი გურამ როგავა, მას სახის ძვლების მოტეხილობა, ასევე კისრის მე-7 მალის რკალის მოტეხილობა