რაც გუშინ მოხდა, აშკარად ეწინააღმდეგება საქართველოს წინა მთავრობის პოლიტიკას და ქართველების დიდი უმრავლესობის ნებას, — ასე ეხმაურება ევროკავშირის ელჩი პაველ ჰერჩინსკი 28 ნოემბერს, რუსთაველის გამზირზე დაწყებული აქციის დარბევას. ინფორმაციას პირველი არხი ავრცელებს.

მისი თქმით, "ბატონი კობახიძის გუშინდელი განცხადება მისთვის გულსატკენია".

"ჩვენ ვიხილეთ ბატონი კობახიძის გუშინდელი განცხადება, სადაც მან თქვა, რომ საქართველო არ არის დაინტერესებული მომდევნო ოთხი წლის განმავლობაში ევროინტეგრაციის გაგრძელებით. რა თქმა უნდა, ეს ძალიან სამწუხაროა. ჩემთვის ეს ნამდვილად გულსატკენია [...]

რაც გუშინ მოხდა, აშკარად ეწინააღმდეგება საქართველოს წინა მთავრობის პოლიტიკას, ფაქტობრივად, საქართველოს ყველა წინა მთავრობის პოლიტიკას, როგორც მე მესმის, და ასევე ეწინააღმდეგება ქართველების დიდი უმრავლესობის ნებას", — განაცხადა ევროკავშირის ელჩმა პაველ ჰერჩინსკიმ.