ინგლისელმა ფერმერმა, თავისი გოჭები დაკლა და მათი ხორცით იმ მეხანძრეებს გაუმასპინძლდა, რომლებმაც გოჭები ხანძრისგან გადაარჩინეს.

ორი დედა ღორი და მათი შვილები მეხანძრეებმა თებერვალში იხსნეს ცეცხლისგან, ფერმერი კი მათ შეჰპირდა, რომ როდესაც გოჭებს დაკლავდნენ, მათგან მომზადებულ სოსისებზე დაპატიჟებდნენ.

6 თვის შემდეგ, ფერმერმა რეიჩელ რივერსმა პირობა აასრულა.

"ვიცი, რომ ვეგეტარიანელები ამის გამო შემიძულებენ, მაგრამ მართლა მინდოდა მეხანძრეებისთვის მადლობის გადახდა. მათ შინაურ ცხოველებად ვერ დავიტოვებდი, მე ფერმერი ვარ" - ასე იმართლა თავი გულქვა რეიჩელმა.

სახანძრო სამაშველო ჯგუფმა ფეისბუკზე პოსტი გამოაქვეყნა:

"ზუსტად 6 თვის წინ, ჩვენმა მეხანძრეებმა 18 გოჭი ცეცხლისგან იხსნეს, რეიჩელმა კი ცოტა ხნის წინ მათი ხორცით მომზადებული ფანტასტიკური სოსისები გამოგვიგზავნა".

ძალიან ცუდი გამოხმაურებების შემდეგ, მათი პოსტის წაშლა და ბოდიშის მოხდა მოუწიათ.