ჩვენთვის, როგორც სპორტსმენებისთვის, ძალიან დიდი სიამაყეა. მინდა, მადლობა გადავუხადო პოლიტსაბჭოს, რომელმაც ეს კანდიდატურა წამოაყენა, — ამის შესახებ ქართული ოცნების დეპუტატმა, შოთა ხაბარელმა პარლამენტში, კომიტეტის სხდომაზე მიხეილ ყაველაშვილის საპრეზიდენტო კანდიდატად წარდგენასთან დაკავშირებით განაცხადა.

"იმის გარდა, რომ ჩვენი სპორტსმენები გადიან და საქართველოს ცნობადობას მსოფლიოს აცნობენ, იქ პატრიოტები, ქვეყნის მოყვარული ადამიანები იზრდებიან. დღეს ამის მომსწრე ვიყავით, რომ სპორტის ჩვენი ერთ-ერთი დამსახურებული მოღვაწე, ბატონი მიხეილ ყაველაშვილი საქართველოს პრეზიდენტობის კანდიდატად დასახელდა. ეს ჩვენთვის, როგორც სპორტსმენებისთვის, ძალიან დიდი სიამაყეა. მინდა, მადლობა გადავუხადო პოლიტსაბჭოს, რომელმაც ეს კანდიდატურა წამოაყენა", — განაცხადა ხაბარელმა.