ქართული ოცნება პრეზიდენტობის კანდიდატთან დაკავშირებით კონსულტაციებს გამართავს.

პრესსამსახურის ცნობით, ამ მიზნით 10:00 საათზე ქართული ოცნების ოფისში უმრავლესობის სხდომა გაიმართება, 10:30 საათზე კი პოლიტიკური საბჭოს სხდომაა ჩანიშნული.

მათივე განმარტებით, განცხადება 11:00 საათზე გაკეთდება.

ცნობისთვის, პრეზიდენტის არჩევნები 14 დეკემბერს დაინიშნა. პრეზიდენტის ინაუგურაცია არჩევნების მესამე კვირა დღეს - 29 დეკემბერს გაიმართება.