სურსათის ეროვნულმა სააგენტომ კოფი გრუპს, კრიტიკული შეუსაბამობების გამო, სამეწარმეო საქმიანობა შეუჩერა. შესაბამისი შინაარსის განცხადება უწყებამ თავის ვებგვერდზე გაავრცელა.

სურსათის ეროვნულ სააგენტოში აღნიშნავენ, რომ ჩატარებული ინსპექტირებისას საწარმოში 11 არაკრიტიკული და 9 კრიტიკული შეუსაბამობა გამოვლინდა, რის გამოც კომპანია, კანონმდებლობის შესაბამისად, დაჯარიმდა კიდეც.

"აგრეთვე, გამოვლინდა სავარაუდო ფალსიფიცირების ნიშნები. ინსპექტირებისას საწარმოში სხვადასხვა დასახელების (როგორც ხსნადი, ასევე მარცვლები) ყავასთან ერთად აღმოჩნდა 235 კგ მოხალული ბარდა. საწარმოში ადგილზე ხდებოდა როგორც ბარდის, ასევე ყავის მარცვლების მოხალვა მისი შემდგომი დაფქვის და სავარაუდოდ, გადარევის მიზნით", - აღნიშნავენ სურსათის ეროვნულ სააგენტოში.

შესწორება: ტექსტის თავდაპირველ ვერსიასა და სათაურში აღნიშნული იყო, რომ კომპანიას საქმიანობა ყავაში ბარდის გადარევის გამო შეუჩერს, რაც მოგვიანებით, შესწორდა.