აქციაზე დაკავებული, კოალიცია ცვლილებისთვის წევრი მანუჩარ ჩაჩანიძე ამბობს, რომ პოლიციელმა მას დაკავების დროს ხელზე უკბინა.

მანუჩარ ჩაჩანიძის თქმით, ვიდეოში შეუძლია ამოიცნოს სამართალდამცავი, რომელმაც დაკავებისას მასზე იძალადა.

"რაც შეეხება ჩემ დაკავებას. საშინლად ამაზრზენი ადამიანები იყვნენ. როგორც მივხვდი, 2 ჯგუფი არსებობს - ერთი დამკავებელი და მეორე ოქმის შემვსები. როცა დაკავების დროს ადამიანს აქცევ, მასზე ფეხებით დგები და თან წაქცეულზე კბენ, ეს რაღაც სასწაულია. პოლიციელის ნაკბენი მაქვს [...]

პოლიციელმა ხელზე მიკბინა. ეს დიდი ადამიანი რომ ვერ დამიმორჩილა და მეჯაჯგურებოდა, ვითომ ხელი უნდა ეტკინა. არ ვიცი, რა დავალება ჰქონდათ." — აღნიშნავს ჩაჩანიძე

ჩაჩანიძე პოლიციამ ადმინისტრაციული წესით 19 ნოემბერს, მელიქიშვილის გამზირზე მიმდინარე აქციის დროს დააკავა. მან წინასწარი დაკავების იზოლატორი დღეს, 21 ნოემბერს დატოვა.