რუსეთის საოკუპაციო ძალები უკრაინას დღეს დილიდან რაკეტებით უტევენ, — ინფორმაცია უკრაინულ მედიაში ვრცელდება.

მედიის ცნობით, დედაქალაქ კიევსა და კიევის ოლქში, ასევე ოდესის, დნეპროპეტროვსკისა და დონეცკის ოლქებში, სარაკეტო თავდასხმის ფონზე, უკრაინის სახელმწიფო კომპანია "უკრენერგოს" მითითებით, ელექტროენერგია გამოირთო.

"დილიდან აგრესორმა ფართომასშტაბიანი შეტევა დაიწყო. ამ დროისათვის თავდასმის შედეგებზე ინფორმაცია ზუსტდება. ცნობილია, რომ დნიპროში სამრეწველო საწარმო დაზიანდა. ასევე ქალაქში ორი ხანძარი გაჩნდა", — განაცხადა დნეპროპეტროვსკის საოლქო-სამხედრო ადმინისტრაციის ხელმძღვანელმა, სერგეი ლისაკმა.