კოალიცია ძლიერი საქართველოს ლიდერები მამუკა ხაზარაძე და ბადრი ჯაფარიძე პრეზიდენტ სალომე ზურაბიშვილს ხვდებიან. შეხვედრა ორბელიანების სასახლეში მიმდინარეობს.

როგორც მამუკა ხაზარაძემ ჟურნალისტებთან განაცხადა, პრეზიდენტთან სახალხო პარლამენტის შექმნის იდეას განიხილავენ.

"სახელი პირობითია "სახალხო პარლამენტი" იქნება თუ ნებისმიერ სხვა, ეს უკვე ერთობლივადაა გადასაწყვეტი. აქვე მინდა გითხრათ, რომ პირველი, რაც უნდა გააკეთოს ამ თავყრილობამ, ორგანიზაციამ, "სახალხო საბჭომ" თუ "ალტერნატიულმა პარლამენტმა", (სახელი მსჯელობის საკითხია) არის ის, რომ ოპოზიციურ პარტიებს დააკომპლექტებინოს სპეციალური ჯგუფი, დელეგაცია, რომელიც გაემგზავრება და ჩვენს პარტნიორებს წარუდგენს არჩეული ოპოზიციური პარტიების და ჩვენი ამომრჩევლების ხმას იმ გაყალბების შესახებ, იმ მიტაცებული არჩევნების შესახებ. თქვენ დღეს ყველამ მოისმინეთ.

თქვენ დღეს ყველამ მოისმინეთ ბატონი ბორელის განცხადება, ისინი არ თვლიან, რომ ეს არჩევნების იყო სამართლიანი. ამ საკითხებზე ვისაუბრებთ დღეს ჩვენ პრეზიდენტთან", — ხაზარაძემ.