The Voice-ის ვარსკვლავებით სავსე სამწვრთნელო შტაბს სტინგი შეუერთდა. ის სნუპ დოგისა და გვენ სტეფანის გუნდის წევრებს რინგის ტურისთვის მომზადებაში დაეხმარება.

"უნდა ვაღიარო, მე არასოდეს მინახავს The Voice. როცა გადაცემაში მონაწილეობა შემომთავაზეს, ცოტა ვნერვიულობდი, მაგრამ გვენს ძალიან კარგად ვიცნობ. სნუპ დოგის დიდი თაყვანისმცემელი ვარ და გადავწყვიტე, რომ რისკზე წავსულიყავი. შოუში მონაწილეობას მივიღებ, მიუხედავად იმისა, რომ ცოტა მოსაბეზრებელი ვარ" — განაცხადა სტინგმა

ნაკლებ სავარაუდოა, რომ კონკურსის შესახებ მომღერლის ცოდნის ნაკლებობამ შეაფერხოს მისი, როგორც მწვრთნელის სიდიადე. ბოლოს და ბოლოს, სტინგი ამას თითქმის 50 წელია აკეთებს.

სტინგმა მუშაობის პროცესი აღწერა და მას, "მხიარული და გამოცდილებით სავსე", უწოდა.

"მე ნამდვილად კარგად ვგრძნობ თავს შოუში. მომწონს მუშაობის პროცესი ახალგაზრდა მომღერლებთან, რომლებიც თავს ამ რთულ გამოცდას უტარებენ. ეს არ არის მარტივი, მაგრამ ძალიან მომწონს" — დასძინა მომღერალმა

შოუს მენტორების აზრით, ნამდვილად აღმაფრთოვანებელია ის პერსპექტივა, რაც სტინგმა The Voice-ს განვითარებისთვის შესძინა, განსაკუთრებით იმ გარემოებით, რომ მას აქამდე არასდროს ჰქონდა შოუ ნანახი.