მექსიკაში, ცენტრალურ შტატ კერეტაროში, ერთ-ერთ ბარში სროლას 10 ადამიანი ემსხვერპლა, 7 კი დაშავდა.

შტატის გენერალური პროკურატურის ინფორმაციით, ბარში 4 მსროლელი შეიჭრა და 7 კაცი და 3 ქალი მოკლა.

მექსიკის შტატი კერეტარი ითვლება როგორც ნაკლებად სახიფათო ადგილი, სადაც დანაშაულების, მათ შორის მკვლელობის საფრთხე შედარებით მცირეა.

გავრცელებული ინფორმაციით, ადგილზე გამოძიება მიმდინარეობს და ხელისუფლებამ ჯერ მხოლოდ ერთი ადამიანი დააკავა.

"კერეტაროს ხალხს ვუმეორებ, რომ ისინი, ვინც ამ დაუნდობელ ქმედებაზე არიან პასუხისმგებელნი, დაისჯებიან, გავაგრძელებთ ჩვენი საზღვრების ჩაკეტვასა და ჩვენი შტატის უსაფრთხოების უზრუნველყოფას", — წერს კერეტაროს გუბერნატორი, მაურიციო კური X-ზე.