გერმანიის სამთავრობო კრიზისს და მმართველი კოალიციის დაშლას ილონ მასკი გამოეხმაურა და სოციალურ ქსელ X-ში გერმანიის კანცლერს "სულელი" უწოდა.

მასკმა X-ზე გერმანულად დაწერა: Olaf ist ein Narr. წინადადება ასე ითარგმნება: "ოლაფი სულელია".

მილიარდერი დარწმუნებულია, რომ მოახლოებულ საპარლამენტო არჩევნებზე ოლაფ შოლცი ხელისუფლებას დაკარგავს.

ილონ მასკს გერმანიის მთავრობა "გიჟური" მიგრაციული პოლიტიკის გამო ადრეც არაერთხელ გაუკრიტიკებია.

გერმანიის კანცლერმა ოლაფ შოლცმა ფინანსთა მინისტრი გაათავისუფლა, რის გამოც მმართველი კოალიცია დაიშალა. შოლცი თავისი მთავრობის ნდობის საკითხს ბუნდესტაგში კენჭისყრაზე 15 იანვარს დააყენებს. ექსპერტები ვარაუდობენ, რომ მარტში გერმანიაში ვადამდელი არჩევნები დაინიშნება.