მთავარი არხის დამფუძნებელი, გიორგი რურუა ამბობს, რომ მაგისტრ მოსამართლესთან შეკითხვები არ დაუსვამთ მისთვის ტერორიზმის შესახებ. მას სუს-ი ტერორიზმსა და შეთქმულებაზე ბრალს სდებს.

"ეს იყო რაღაც დადგმული ცირკი ხელისუფლების მხრიდან, არანაირი შინაარსი არ ჰქონდა, შინაარსის გარეშე იყო დაკითხვა, მეტ კომენტარს ვერ გავაკეთებ. კითხვებზე სამწუხაროდ, პასუხს ვერ გაგცემთ, ხელი გაუთქმელობაზე მომაწერინეს", — თქვა რურუამ.

რურუამ კითხვაზე, ჰკითხეს თუ არა მას ბიძინა ივანიშვილის მკვლელობის მომზადების საქმესთან დაკავშირებით, უპასუხა, რომ ეს სახელი და გვარი საერთოდ არ უხსენებიათ.

"ხელი მოვაწერე, რომ არანაირ ინფორმაციას არ გავცემ, მითუმეტეს, მაგ სახელ და გვართან დაკავშირებით კითხვა საერთოდ არ ყოფილა. ახლა რომ იყოს ყავის მკითხაობაზე მუხლი, იგივეა ზუსტად, არანაირი ტერორიზმის გარშემო კითხვა არ ყოფილა, საერთოდ, ეს იყო ყავაზე მკითხაობა, მეტი არაფერი", — განაცხადა რურუამ.

შეგახსენებთ, რომ ბრალდებულმა 5 ნოემბერს, სოციალურ ქსელში გაავრცელა ინფორმაცია რომ სუს-მა გამოკითხვაზე დაიბარა.

უწყების ცნობით, ის დაბარებულია სისხლის სამართლის კოდექსის 315-ე მუხლის პირველი და 323-ე მუხლის პირველი ნაწილით მიმდინარე გამოძიების ფარგლებში, რაც შეთქმულებასა და ტერორიზმს გულისხმობს.

გიორგი რურუა: სუს-იდან მივიღე უწყება, ჩემს წინააღმდეგ საქმეა აღძრული