14:00 საათზე თბილისში საქალაქო სასამართლოში, არჩევნების ფარულობის უფლების დარღვევაზე გაერთიანებული განხილვა დაიწყება.

სასამართლო განხილვას საქართველოს ახალგაზრდა ასოციაციის თავმჯდომარე, ნონა ქურდოვანიძე სოციალურ ქსელში ეხმაურება.

როგორც ქურდოვანიძე ამბობს სასამართლოში განიხილება საქმეც, საარჩევნო უბნების ბათილად ცნობის შესახებ, რადგან საარჩევნო ადმინისტრაციის თქმით, მოსამართლე ვლადიმერ ხუჭუა მიკერძოებული იყო.

როგორც საიას თავმჯდომარე წერს, ხუჭუას მიკერძოება საარჩევნო ადმინისტრაციის თქმით, გამოიხატება მისი ცოლის სოციალურ ქსელში გამოქვეყნებული კრიტიკული პოსტებიდან.

"ველოდებით 14:00 საათზე სააპელაციო სასამართლოში ფარულობის უფლების დარღვევაზე გაერთიანებული საქმის დაწყებას.

მოსამართლეების შემადგენლობაც კი ბოლო წუთამდე არ ვიცით.

თეთრიწყაროს საქმეც აქ განიხილება. საარჩევნო ადმინისტრაცია ითხოვს, რომ მოსამართლე მიკერძოებული იყო, რადგან მისი ცოლი სოციალურ ქსელებში კრიტიკულ პოსტებს აქვეყნებს და მარწყვის ტორტის გამოცხობას დაპირდა. პოსტების სქრინები დაურთეს საქმეს.

ასევე ითხოვენ, რომ ჩატარებული ექსპერიმენტი, სხდომაზე დათვალიერებული ბიულეტენები მტკიცებულებად არ ჩათვალონ და ამორიცხონ საქმიდან", — წერს ქურდოვანიძე