ძლიერი ქარის შედეგად, გურჯაანის მუნიციპალიტეტში 50-მდე საცხოვრებელ სახლს სახურავი დაუზიანდა, აქედან გარკვეულ ნაწილს კონსტრუქცია სრულად აქვს გადახდილი.

ამასთან, სტიქიამ ელექტროგადამცემი ხაზები დააზიანა, მოგლიჯა ასწლოვანი ხეები და ათასობით აბონენტი ელექტროენერგიის გარეშე დატოვა.

ადგილობრივი ხელისუფლების წარმომადგენლები დილიდან დაზარალებულ სოფლებში იმყოფებიან. გურჯაანის მუნიციპალიტეტის მერიის ინფორმაციით, სპეციალური კომისია ადგილზე მუშაობს და ზარალს ითვლის.