GEM Fest-ის საქმეზე გამოძიება 185-ე, მოტყუებით ქონებრივი დაზიანების მუხლით მიმდინარეობს. ინფორმაცია ამის შესახებ On.ge-ის ფინანსთა სამინისტროს საგამოძიებო სამსახურში დაუდასტურეს.

გამოძიების ფარგლებში უკვე დაიკითხა ფესტივალის ორგანიზატორი გიორგი სიგუა.

გამოძიების დაწყებაზე ინფორმაცია გუშინ, 17 აგვისტოს დაიწყო. საგამოძიებო სამსახურების ცნობით, პირველ ეტაპზე დოკუმენტების ამოღება და ინფორმაციის გამოთხოვა მოხდა, ასევე დაიკითხნენ მოწმეებიც. მათივე ცნობით, დეტალები მოგვიანებით გასაჯაროვდება.

14 აგვისტოს დასრულდა GEM Fest-ის ერთთვიანი მუსიკალური ფესტივალი. ორგანიზატორის, გიორგი სიგუას თქმით, ფესტივალი ფინანსურად შემოსავლიანი არ გამოდგა, რაც მისი მცდარი წარმოდგენების შედეგია. სახელმწიფო ბიუჯეტიდან GEM Fest თითქმის ორი მილიონი ლარით დაფინანსდა.