Squid Game 2021 წლის ყველაზე პოპულარული სერიალი იყო, რომლის მეორე სეზონს მაყურებლები დღემდე მოუთმენლად ელიან. სერიალი იმ ადამიანებზე მოგვითხრობს, რომლებიც უფულობის გამო სასიკვდილო თამაშში ერთვებიან.

ნეტფლიქსმა გასულ თებერვალს სერიალის მეორე სეზონი დააანონსა და პირველი კადრებიც გამოაქვეყნა, ამჯერად კი მეორე სეზონის პირველი ტრეილერი გამოვიდა, რომელმაც მაყურებელი სასიკვდილო არენაზე დააბრუნა, სადაც მოთამაშე 456 დახვდება.

სასიკვდილო სერიაში გამარჯვებიდან სამი წლის შემდეგ სეონგი გი-ჰუნი, რომელსაც მსახიობი ლი იუნგ-ჯაე ასრულებს, ბრუნდება როგორც მოთამაშე 456 და მას ასობით ახალი კონკურენტი უერთდება, რომელთა უსაფრთხოების დაცვასაც ცდილობს.

სამხრეთ კორეულის დრამის პირველ სეზონში 456 ადამიანი მონაწილეობდა, რომლებმაც სხვადასხვა მიზეზის გამო წარუმატებლობა განიცადეს ცხოვრებაში და მოულოდნელად გადარჩენის თამაშში მონაწილეობის საიდუმლო მოწვევა მიიღეს, რომლის მიზანიც ათი მილიონი აშშ დოლარის მოგებაა.

Squid Game ნეტფლიქსის ყველაზე წარმატებულ სერიალადაც კი მიიჩნევა, რომელიც 28 დღეში 111 მილიონმა ადამიანმა ნახა.

სერიალი იმდენად პოპულარული გახდა, რომ ნეტფლიქსმა რეალითი შოუც გამოუშვა, რომელშიც 456 მოთამაშე ერთმანეთს $4,56 მილიონის მოსაპოვებლად ეჯიბრებოდა.

ტრეილერში დასაწყისში, ბოროტი, ნიღბიანი მცველები მოთამაშებს ესალმებიან. ისინი პირველ თამაშში მონაწილეობისთვის ემზადებიან, რომელიც პირველი სეზონიდან ცნობილია, როგორც Red Light Green Light (წითელი შუქი, მწვანე შუქი).

მოთამაშეებმა უნდა მიაღწიონ ფინიშის ხაზს, თამაშის წესები კი უცვლელია. გი-ჰუნი მხოლოდ პირველ სეზონში გადაურჩა თამაშს, ფინიშის ხაზს მიაღწია და ამჯერად მოთამაშეების უსაფრთხოების დაცვას ცდილობს.

მაგრამ სიტუაცია მაშინ რთულდება, როდესაც ერთ-ერთი მოთამაშე მოძრაობას იწყებს, რადგან უთხრეს, რომ მის გარშემო ფუტკარი დაფრინავდა, მოთამაშეს თავში ესვრიან.

ისევე როგორც პირველ სეზონში, მოთამაშეები კენჭს ყრიან თამაშის გაგრძელებაზე. მიუხედავად იმისა, რომ გი-ჰუნი მათ მოუწოდებს, ყურადღება გაამახვილონ "ამ ადგილიდან გასვლაზე", მოთამაშეები უგულებელყოფენ მის თხოვნას.

"კიდევ ერთი თამაში", მღერიან ისინი, როცა ფულადი პრიზი მათ ზემოთ ჩამოკიდებულ გიგანტურ ყულაბას ავსებს.

სერიალის რეჟისორმა განაცხადა, რომ: "გი-ჰუნის მცდელობა გაარკვიოს ვინ არიან ეს ადამიანები და რატომ აკეთებენ იმას, რასაც აკეთებენ, მეორე სეზონის მთავარი ამბავია".

მან რეიტერთან ინტერვიუში აღნიშნა, რომ სეზონში იქნება "უფრო დამაინტრიგებელი თამაშები" და პერსონაჟების უფრო დიდი ჯგუფი, ვიდრე ეს სადებიუტო სეზონში იყო.

ჰვანგ დონ-ჰიუკმა ადრე თქვა, რომ ის განიცდიდა "დიდ ზეწოლას" იმის გამო, თუ როგორ უნდა გადაეღო მეორე სეზონი "კიდევ უკეთესი" შოუს ასეთი წარმატების შემდეგ.

ნეტფლიქსის თანახმად, პირველი ოთხი კვირის განმავლობაში მაყურებელმა 1,65 მილიარდი საათი დახარჯა Squid Game-ის ყურებაში. ასევე, გამოაცხადა, რომ სერიალის ბოლო, მეორე სეზონი 2025 წელს გამოვა.