იმედია, საქართველოს ხელმძღვანელობა ხვდება, რა დევს სასწორზე, ასეთი ხარვეზიანი არჩევნები ევროკავშირში გაწევრიანებას შეუძლებელს ხდის, ასე ეხმაურება საერთაშორისო რესპუბლიკური ინსტიტუტის (IRI) პრეზიდენტი, დენიელ ტვინინგი საქართველოში ჩატარებულ საპარლამენტო არჩევნებს და ამერიკელი სენატორის, როჯერ უიკერის განცხადებას აზიარებს.

"ძლიერი სიტყვები ძლიერი სენატორისგან. იმედია, საქართველოს ხელმძღვანელობა ხვდება, რა დევს სასწორზე - რადგან ქართველების 90%-ს ევროკავშირში გაწევრიანება სურს, რასაც ასეთი ხარვეზიანი არჩევნები შეუძლებელს ხდის", - წერს IRI-ს პრეზიდენტი.

ამერიკელმა სენატორმა, როჯერ უიკერმა ორი დღის წინ განცხადება გაავრცელა, სადაც ნათქვამია, რომ ნაცვლად ღირსეული, გამჭვირვალე და კანონიერი არჩევნებისა, ხალხმა ფარსი მიიღო.