"ჩვენ ველოდებოდით, რომ არჩევნებზე სხვანაირი შედეგი დაიდებოდა, მაგრამ რაც არის ეს არის", — ამის შემდეგ ალტ-ინფოს ეთერში ერთ-ერთმა წამყვანმა განაცხადა.
მისი თქმით, ფინანსური პრობლემების გამო, ტელევიზია მაუწყებლობას ვეღარ გააგრძელებს.

"ჩვენი ტელევიზია ამ ფორმატით ვერ გააგრძელებს მუშაობას, იმ მარტივი მიზეზთა გამო, რომ, თქვენ იცით, თავიდან ბოლომდე ჩვენი ტელევიზია იყო თქვენი დახმარებით, თქვენი ფინანსების დახმარებით პირველი თეთრიდან ბოლო თეთრამდე და, ზოგადად, ჩვენი პარტიული ინფრასტრუქტურა არსებობს და არსებობდა ჩვეულებრივი ხალხის, მაყურებლის შემოწირულობებით და სახსრებით. ცხადია, ვერ ვეტყვით და მოვუწოდებთ მაყურებლებს, რომ მუდმივ რეჟიმში შეინახონ ამხელა ტელევიზია. ეს ძალიან რთულია. რესურსებიდან გამომდინარე წარმოუდგენელია. მოგვიწევს გარკვეული რეორგანიზაცია და მაუწყებლობის შეცვლა. რანაირი ფორმით მოხდება ეს, მომავალში, რანაირი ფორმით დავუბრუნდებით მაყურებელს და როგორ გავაგრძელებთ ამ პოლიტიკურ და საინფორმაციო ბრძოლას, მზა პასუხი არ გვაქვს", — განაცხადა ალტ-ინფო-ს სპეციალური ეთერის წამყვანმა.

შეგახსენებთ, რომ ერთი თვის წინ პრო-რუსული პარტია ალტ-ინფოს ლიდერები, კონსტანტინე მორგოშია და ზურაბ მახარაძე აშშ-ის ხაზინის დეპარტამენტმა დაასანქცირა.