ცესკოს წინასწარი შედეგების მიხედვით, საპარლამენტო არჩევნებში ქართული ოცნება 53.93%-ით ლიდერობს — მმართველმა პარტიამ 1 118 796 ხმა მიიღო. ამ დროისთვის, 3111 უბნიდან დათვლილია 3109 უბანი, რაც უბნების რაოდენობის 99.936%-ს შეადგენს.

შედეგების მიხედვით მეორე ადგილზეა კოალიცია ცვლილებისთვის — გვარამია, მელია, გირჩი, დროა, რომელმაც 11.03% მიიღო.

ერთიანობა — ნაციონალურმა მოძრაობამ — 10.161%, 210 787 ხმა, მოიპოვა;

ძლიერი საქართველო — ლელო, ხალხისთვის, თავისუფლებისთვის — 8.814 %, 182 839 ხმა

გახარია საქართველოსთვის — 7.771%, 161 215 ხმა.

რაც შეეხება დარჩენილ ორ უბანს, როგორც ცესკო-ს თავმჯდომარემ, გიორგი კალანდარიშვილმა განაცხადა, მარნეულის ერთ უბანზე შედეგები გაუქმებულია, ხოლო დუშეთის ერთი უბნიდან ოქმი არაა მიღებული.