"ჩვენ ამ მოპარული, მიტაცებული საარჩევნო შედეგის აღიარებას არ ვაპირებთ, ჩვენ ვიბრძოლებთ როგორც არასდროს, ჩვენი ქვეყნის ევროპული მომავლის დასაბრუნებლად, შევხვდით ჩვენს პროდასავლელ, პროევროპელ, მომავალ კოალიციურ პარტნიორებს და უახლოეს საათებში გავაკეთებთ განცხადებას, თუ როგორ ვმოქმედებთ ამ საარჩევნო შედეგის დასაცავად, რომელიც იყო დიდი გამარჯვება ჩვენი ქვეყნისთვის და რომლის მოპარვასაც ახლა ცდილობს რუსი ოლიგარქი ბიძინა ივანიშვილი", — ერთიანობა ნაციონალური მოძრაობის თავმჯდომარე თინა ბოკუჩავა

თინა ბოკუჩავამ საგანგებო განცხადება კოალიციის სხვა ლიდერებთან ერთად გააკეთა და კოალიციის სახელით განაცხადა, რომ ისინი არ აღიარებენ მოპარული არჩევნების შედეგებს, რადგან ცესკომ ბინძური დაკვეთა შეასრულა და ქართველ ხალხს არჩევანი მოჰპარა, ქვეყანას კი — ევროპული მომავალი.

"დღევანდელი ისტორიული არჩევნები იყო ქართველი ხალხის გამარჯვება და დარჩება ქართველი ხალხის გამარჯვებად. ეს აჩვენა, მათ შორის, საერთაშორისო ორგანიზაციების მიერ ჩატარებულმა ეგზიტპოლებმა, სადაც დიდი უპირატესობით გამოჩნდა პროევროპული, პროდასავლური ოპოზიციის გამარჯვება. მაგრამ ჩვენ ვხედავთ, რომ ცენტრალურმა საარჩევნო კომისიამ შეასრულა ივანიშვილის ბინძური დაკვეთა და გამოაცხადა შედეგები, რომელიც აჩვენებს, რომ ოლიგარქმა ივანიშვილმა ქართველ ხალხს გამარჯვება მოჰპარა და ამით მოჰპარა ევროპული მომავალი.

ერთიანობა ნაციონალური მოძრაობის სახელით ვაცხადებ, რომ ჩვენ მოპარული არჩევნების შედეგებს არ ვიღებთ და ჩვენ ამ მოპარული, მიტაცებული საარჩევნო შედეგის აღიარებას არ ვაპირებთ. ჩვენ დიდი იმედი გვაქვს, რომ ამგვარი პოზიცია იქნება სრულიად ოპოზიციურ ველზე, რადგან მიგვაჩნია, რომ მიგვაჩნია, რომ ის გამარჯვება, რომელიც დღეს მოიპოვა ქართველმა ხალხმა, არ ეკუთვნის რომელიმე ერთეულ პარტიას, არამედ ეკუთვნის მთლიანად ქვეყანას და ერთობლივად ოპოზიციას, რომელსაც მისცა ნდობის მანდატი ქართველმა ხალხმა. ჩვენ ვიბრძოლებთ როგორც არასდროს, ჩვენი ქვეყნის ევროპული მომავლის დასაბრუნებლად და არ შევეგუებით მოპარული არჩევნების შედეგებს. ჩვენ უკვე შევხვდით ჩვენს პროდასავლელ, პროევროპულ, მომავალ კოალიციურ პარტნიორებს და დიახ, დარწმუნებული ვარ, რომ შემდეგი მთავრობა იქნება კოალიციური მთავრობა და დარწმუნებული ვარ, რომ უახლოეს საათებში ჩვენ ასევე, გავაკეთებთ განცხადებას, თუ როგორ ვმოქმედებთ ამ საარჩევნო შედეგის დასაცავად, რომელიც იყო დიდი გამარჯვება ჩვენი ქვეყნისთვის და რომლის მოპარვასაც ახლა ცდილობს რუსი ოლიგარქი ბიძინა ივანიშვილი. ჩვენ არ ვთმობთ ჩვენს ევროპულ მომავალს და არ ვიღებთ მოპარული არჩევნების შედეგებს, რომელსაც აცხადებს ცენტრალური საარჩევნო კომისია", — განაცხადა ერთიანობა ნაციონალური მოძრაობის თავმჯდომარემ თინა ბოკუჩავამ.