საგანგებო მზადება "ოცნების" ღონისძიებისთვის — რუსთაველი და თავისუფლება ქუჩის ძაღლებისგან გაათავისუფლეს. ადგილზე ერთ მიუსაფარ ცხოველსაც კი ვეღარ იპოვით — ამის შესახებ ინფორმაციას სოციალურ ქსელში ტონი ვაჭარაძე ავრცელებს.

"მთელი რუსთაველი და თავისუფლება გაასუფთავეს ქუჩის ძაღლებისგან. ჩამოყრიან საწყლებს სადღაც ფონიჭალაში და ზაჰესთან და ვერასოდეს მოაგნებენ იმ ადგილებს, სადაც მიჩვეულნი არიან არსებობას დიდი ალბათობით დაიხოცებიან კიდეც…
რა საჭირო იყო? ვის რას დაუშავებდნენ?" — წერს ტონი ვაჭარაძე.

NEWS.On.ge ცხოველთა მონიტორინგის სააგენტოს დაუკავშირდა. როგორც სააგენტოში განგვიცხადეს მსგავსი ღონისძიებები, თბილისის მასშტაბით სხვადასხვა მიზეზთა გამო, ყოველდღიურად ხორციელდება.

მოგვიანებით, სოციალურ ქსელში ფაქტს “პროექტი ცხოველებისთვის” დამფუძნებელი მარიამ ცერცვაძეც გამოეხმაურა:

"თქვენმა სამსახურმა "ოცნების აქციის" წინ მოხიკა მიუსაფარი ძაღლები, ჩატენა მანქანაში და წაიყვანა. ხოდა იქნებ აგვიხსნათ რა პროტოკოლია? სად აჩერებთ და როდის აბრუნებთ? როგორ უზრუნველყოფთ რომ თქვენ ბანძ თავშესაფარში ჭირს არ აიკიდებენ? თუ ცხოველებზე და მათ სტრესზე ზრუნავთ 20 ოქტომბერს რატომ არ იზრუნეთ და წაიყვანეთ? ან ცრემლსადენი გაზის დროს სად იყავით?? ჩვენ რომ ვასულიერებდით ძაღლებს?" — დაწერა მარიამ ცერცვაძემ.

ცხოველთა მონიტორინგის სააგენტომ ძაღლების გადაყვანა მას კომენტარებში დაუდასტურა და ეს ფაქტი ცხოველებზე ზრუნვით სცადა აეხსნა:

თავისუფლების მოედანზე მზადება უკვე დასრულებულია, სცენაზე უკვე განთავსებულია "ტყვიაგაუმტარი შუშა", საიდანაც პარტიის საპატიო თავმჯდომარე ხალხს მიმართავს. ადგილზე უსაფრთხოების განსაკუთრებული ზომებია მიღებული.

ქართული ოცნების მიერ დაგეგმილი შეკრების გამო, დედაქალაქის ცენტრალური ქუჩები დილიდან გადაკეტილია.