ანტიკორუფციული ბიუროს ვებგვერდზე გამოქვეყნებული ინფორმაციის თანახმად, საარჩევნო კამპანიის ოფიციალურად გამოცხადების შემდეგ, მიმდინარე წლის 27 აგვისტოდან დღემდე 5 354 740 ლარი ჩაერიცხა. ინფორმაციას ინტერპრესნიუსი ავრცელებს.

ქართულმა ოცნებამ ორ თვეში 5 მლნ ლარზე მეტი შემოწირულება მიიღო, ოპოზიციიდან ყველაზე მეტი თანხა კოალიციას ცვლილებისთვის აქვს მიღებული. რაც შეეხება ოპოზიციას, კოალიციამ ცვლილებებისთვის (ახალი, დროა და გირჩი-მეტი თავისუფლებისთვის) შემოწირულების სახით 4 442 273 ლარის მიიღო.

კოალიცია ცვლილებებისთვის შემომწირველებს შორისაა ტელეწამყვანი ეკა მიშველაძე (10 000 ლარი) და აკაკი მინაშვილი (3 000 ლარი).

კოალიციას ძლიერი საქართველო (ლელო, ანა დოლიძე — ხალხისთვის, მოქალაქეები, თავისუფალი მოედანი) საარჩევნო კამპანიის ოფიციალურად გამოცხადების შემდეგ, 3 736 463 ლარი ჩაერიცხა. კოალიციის შემომწირველებს შორის არიან: დავით უსუფაშვილი, ანა დოლიძე და მედეა მეტრეველი.

ოფიციალური ინფორმაციის მიხედვით, „ერთიანობა ნაციონალური მოძრაობამ“ 29 აგვისტოდან დღემდე 614 969 ლარის შემოწირულება მიიღო. შემომწირველებს შორის არიან: ირაკლი ფავლენიშვილი და კახაბერ ოქრიაშვილი.

პარტიამ საქართველოსთვის, 27 აგვისტოდან დღემდე 111 149 ლარი ჩაერიცხა. შემომწირველებს შორის არიან: სოფიო ხორგუანი, ანა ბუჩუკური, ბერდია სიჭინავა, ნათია მეზვრიშვილი და ლევან გოგიჩაიშვილი.