ერთიანი ნაციონალური მოძრაობის წევრის, თამარ კორძაიას თქმით, კანონდარღვევები აღმოაჩინეს, რომელიც ამომრჩეველთა მოსყიდვას ეხება.

კორძაიამ განაცხადა, რომ ქართული ოცნების მხარდამჭერებს სუპერმარკეტ მადაგონსა და ფარმა სახლში 50-ლარიან ვაუჩერებს ურიგებენ.

"საარჩევნო კანონმდებლობის თანახმად, ეს არის ამომრჩეველთა მოსყიდვა და სისხლის სამართლის დანაშაული. მივმართავთ ყველა შესაბამის უწყებას, პროკურატურას, საგამოძიებო ორგანოებს, რომ ამ ფაქტებით დაინტერესდნენ და სათანადოდ გამოიძიონ, მონახონ ის პირები, ვისი დავალებითაც სრულდება ეს კანონდარღვევა და დამნაშავეები აუცილებლად წარდგნენ სამართლის წინაშე. ის, რაც ხდება რუსთავში კერძო კომპანიების, ბიზნესის მიერ ქართული ოცნების სასარგებლოდ, დანაშაულია და თითოეული მათგანი, ვინც ამას აკეთებს, პასუხს აუცილებლად აგებს, — განაცხადა კორძაიამ.