"მოდი, დაველოდოთ მოახლოებულ საპარლამენტო არჩევნებს, რაც საქართველო ევროპული გზისა და დემოკრატიისთვის გადამწყვეტი ტესტი იქნება", — ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა ევროკავშირის საგარეო საქმეთა მინისტრების შეხვედრის დასრულების შემდეგ განაცხადა.

შეხვედრის შემდეგ ბორელიმ საქართველოსა და მოლდოვის მოახლოებულ არჩევნებზე ისაუბრა. მისი თქმით, საქართველოში, მოლდოვასთან შედარებით, უფრო ცუდადაა საქმე, უფრო "ბნელი სურათია". მმართველმა პარტიამ დააშორა ქვეყანა ევროპულ გზას, შეიმჩნევა ავტორიტარიზმის ნიშნები. ამიტომაც — ქვეყნის ევროკავშირში გაწევრიანების პროცესი შეფერხებულია.

"საქართველოში უფრო "ბნელი სურათია". მმართველი პარტიის ბოლოდროინდელი ქმედებები ქვეყანას ევროპული გზას აშორებს და ავტორიტარიზმზე მიუთითებს. ამიტომ, ევროკავშირში გაწევრიანების პროცესი დე ფაქტო შეჩერებულია. თქვენ იცით, რომ ევროპულ დაფინანსების ხელმისაწვდომობაზე გადაწყვეტილებას კომისია იღებს. მოდი, დაველოდოთ მოახლოებულ საპარლამენტო არჩევნებს, რაც საქართველო ევროპული გზისა და დემოკრატიისთვის გადამწყვეტი ტესტი იქნებ. მოდი, დაველოდოთ მოახლოებულ საპარლამენტო არჩევნებს, რაც საქართველო ევროპული გზისა და დემოკრატიისთვის გადამწყვეტი ტესტი იქნება", — განაცხადა ჯოზეფ ბორელი.

ევროკავშირის საგარეო საქმეთა მინისტრები დღეს, 14 ოქტომბერს ლუქსემბურგში ხვდებიან. შეხვედრას ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჯოზეპ ბორელი უძღვება. მინისტრები უკრაინის წინააღმდეგ რუსეთის აგრესიას განიხილავენ უკრაინის საგარეო საქმეთა მინისტრ ანდრიი სიბიგასთან ერთად, რის შემდეგაც გაიმართა დისკუსია ახლო აღმოსავლეთში არსებულ ვითარებაზე. ევროკავშირის წევრი ქვეყნების საგარეო საქმეთა მინისტრებმა, დღეს, სხვა საკითხებთან ერთად, საქართველოში საპარლამენტო არჩევნების შესახებაც იმსჯელეს.