გასულ კვირას Tesla-მ კალიფორნიაში პრეზენტაცია გამართა, სადაც კომპანიამ Tesla Bot-ის უახლესი ვერსია, სახელწოდებით Optimus წარადგინა.

თავდაპირველად, სოციალურ მედიაში ამან დიდი აჟიოტაჟი გამოიწვია, თუმცა ძალიან მალე ქება დაცინვაში გადაიზარდა. უამრავი ადამიანი ილონ მასკის კომპანიას დიზაინის მითვისებაში ადანაშუალებს. მათი თქმით, მასკის ახალი დიზაინი ძალიან ჰგავს სამეცნიერო ფანტატიკის ფილმში მე, რობოტი გამოყენებულ დიზაინს, სადაც მთავარ როლს უილ სმიტი ასრულებს.

ტესლამ თავის ახალ პროექტს ჩვენ, რობოტი უწოდა, რომელიც ცნობილი ამერიკელი ფანტასტის, აიზეკ აზიმოვის სამეცნიერო-ფანასტიკური მოთხრობების ციკლის მე, რობოტის ანალოგიითაა შექმნილი. ფილმიც სწორედ აღნიშნულ წიგნზეა დაფუძნებული, სადაც მოქმედება ჩიკაგოში, 2035 წელს ვითარდება. ეს მსგავსება არავის გამოჰპარვია, სოციალურ მედიაში იწერება, რომ ტესლას მიერ წარდგენილი სამივე რობოტი ფილმში არსებული რობოტის დიზაინის გამეორებაა.

თავად ალექს პროიასმა კი, რომელიც ფილმის რეჟისორია, ტვიტერზე დაწერა: "ჰეი, ილონ, შეგიძლია ჩემი ესკიზები დამიბრუნო?“