ბებიის გაუპატიურების ბრალდებით დაკავებული გიორგი კირვალიძე დახმარებას ითხოვს და გლდანის ციხიდან ირწმუნება, რომ სასჯელს გამოგონილი ბრალდებით იხდის და პროვოკაცია მამიდამ მოუწყო, რომელმაც ქონების მისაკუთრების სურვილით, ბებიის გაუპატიურება დააბრალა — ამის შესახებ ინფორმაციას ტვ პირველი ავრცელებს.

ცილი დამწამეს. მამიდაჩემი იყო ეს ყველაფერი და გამართლებით ვიყავი პირველ ინსტანციაში. ქალი გარდაიცვალა და ვერ მოვიდა იქ, სასამართლოზე, რომ დაედასტურებინა, რომ ცილი დამწამეს. ეს არ არის ბებიაჩემის ჩვენება, აქ ურევია თელავის გაყოფილების ხელი კიდევ, რომ იცოდნენ მამიდის პოზიცია. ის მამიდა ცივსისხლიანი ადამიანია. 30 წლის ბიჭი ვარ მოწესრიგებული, ისტორიაში რატომ უნდა მეწეროს ასეთი სიბინძურე, აქ წლებზე აღარ არის უკვე ლაპარაკი. განადგურებული ვარ მორალურად, ფსიქოლოგიურად და ფიზიკურადაც, ჯანმრთელობა გავინადგურე და მადლობა ღმერთს, რომ ცოცხალი ვარ. 8 წლის ბიჭი მყავს და ასეთი ბრალდებით მე აქ არ უნდა ვიყო და მომაქციონ ყურადღება. რა გარემოებები არსებობს, მტკიცებულება, ბებია, რომელიც ადასტურებს, რომ ასეთი სისულელე არ მომხდარა, ისე გარდაიცვალა, რომ ვერ გაიგო, რაზე ვიყავი დაჭერილი და რომ გაიგო, რაზე დამიჭირეს, ქალს გული გაუსკდა და გარდაიცვალა და მამამ ნახა. მამა ნორმალურადაც არ არის დაკითხული, — ამბობს გიორგი კირვალიძე პირველებთან სატელეფონო საუბრისას.


ბრალდებული 29 წლის მამაკაცი სასამართლოს გადაწყვეტილებას აპროტესტებს და თვეზე მეტია პროტესტის ნიშნად საპატიმროში შიმშილობს. მას 9 წელიანი პატიმრობა აქვს მისჯილი.

როგორც მედია იუწყება, პირველმა ინსტანციამ კირვალიძე გაამართლა, რადგან გამოძიებულა უწყებამ მძიმე დანაშაულის საქმეში შესაბამისი მტკიცებულებები ვერ წარადგინა. ასევე, არ არსებობს ექსპერტიზის დასკვნა, რაც დაამტკიცებს რომ 70 წლის ბებია გაუპატიურებულია შვილიშვილის მიერ.

ახალგაზრდა მამაკაცის საქმეზე სააპელაციო სასამართლომ ეროვნული ბიუროს მომზადებული დასკვნით იხელმძღვანელა. დასკვნის თანახმად, შვილიშვილის ერთ-ერთი ნიმუში ხანდაზმული ბებიის საწოლზე აღმოჩნდა.

სააპელაციო სასამართლოს განაჩენი ძალაში დატოვა უზენაესმა სასამართლომაც.