სულ ახლახანს Chanel 4-მა კენდრიკ ლამარისა და დრეიკის დაპირისპირებაზე დოკუმენტური ფილმის, სახელწოდებით Public Enemies, გადაღება დააანონსა. ფილმში დოკუმენტურ კადრებთან ერთად, მომღერლების ახლო გარემოცვისა და ყოფილი თანამშრომლების ინტერვიუებიც იქნება.

კენდრიკსა და დრეიკს შორის დაპირისპირება განსაკუთრებით წელს დაიძაბა. რეპერებმა ერთმანეთს მიყოლებით მიუძღვნეს სიმღერები. კენდრიკმა ბოლო სიმღერით, Not Like Us, დრეიკი პედოფილიასა და რეპის სცენის უპატივცემულობაში დაადანაშაულა. მოგვიანებით დრეიკმა ბრალდებები უარყო თავის სიმღერაში, The Heart Part 6.

ბევრი მუსიკალური გამომცემელი კენდრიკს ამ დაპირისპირების გამარჯვებულად მოიაზრებს.

ფოტო: archeroracle

არხის წარმომადგენელმა განაცხადა, რომ Public Enemies არ არის უბრალოდ დოკუმენტური ფილმი, ეს არის თანამედროვე მუსიკაში ორი ყველაზე გავლენიანი ხმის კულტურული კვლევა. დოკუმენტური ფილმი შეისწავლის და ასახავს კენდრიკისა და დრეიკის განვლილ გზას, თუ როგორ აქცია მათმა წარსულმა, ნიჭმა და ხედვებმა ისინი ფენომენალურ არტისტებად.

როგორც მიხვდით, ფილმი დაპირისპირების გარდა, საქვეყნოდ აღიარებული არტისტების კარიერასა და განვლილ გზასაც ასახავს.

ფოტო: behindtherhyme

აღსანიშნავია, რომ Chanel 4-მა 2017 წელს იმავე სახელწოდებით —Public Enemy, დოკუმენტური ფილმი ქანიე ვესტისა და ჯეი ზის დაპირისპირებაზე გადაიღო.