დღეს, 7 ოქტომბერს, ყაზახეთის ცენტრალურმა საარჩევნო კომისიამ, 6 ოქტომბერს გამართული რეფერენდუმის შედეგები გამოაქვეყნა, რის მიხედვითაც ქვეყნის 71%-ზე მეტმა ხმა მისცა ყაზახეთის პირველი ატომური ელექტროსადგურის (NPP) მშენებლობას.

კომისიის ინფორმაციით, ამომრჩეველთა აქტივობა 63,66% იყო. მათი თქმით ეს "აღემატებოდა საჭირო 50%-ს და შეადგენს 7 820 204 ამომრჩეველს".

რადიო თავისუფლების ყაზახური სამსახური წერს, რომ ქვეყანაში პირველი ატომური ელექტროსადგურის მომხრეების თქმით, ელექტროსადგური ენერგოდამოუკიდებლობას ხელს შეუწყობს და დაასრულებს ნახშირზე მომუშავე ენერგეტიკაზე დამოკიდებულებას. ისინი, ვინების ეწინააღმდეგებიან პირველ ელექტროსადგურს აცხადებენ, რომ მშენებლობა მძიმე ტვირთად დააწვება ბიუჯეტს და გარემოს შეუქმნის საფრთხეს.

როგორც ყაზახეთის მთავრობა ამბობს, ატომური ელექტროსადგურის მშენებლობა 12 მილიონი დოლარი დაჯდება.

რეფერენდუმის საწინააღმდეგო აქცია ყაზახეთში 29 სექტემბერს გაიმართა, ქვეყნის პოლიციამ მასობრივი არეულობის მომზადების ბრალდებით რამდენიმე პირი დააკავა და მათ წინასწარი პატიმრობა შეეფარდათ.