Al-Jazeera-ს ინფორმაციით, ისრაელის სამხედროებმა პალესტინელი ჟურნალისტი ჰასან ჰამადი, ჩრდილოეთ ღაზას ჯაბალიას ლტოლვილთა ბანაკში, საკუთარ სახლში მოკლედ. შემთხვევამდე რამდენიმე დღით ადრე, მან გაფრთხილება მიიღო ისრაელის მაღალჩინოსნებისგან, რომ შეეწყვიტა ღაზაში ვიდეოების გადაღება.

მედიის თქმით, ისრაელის სამხედროების მიერ მოკლული ჟურნალისტი 19 წლის იყო, ის ომის ვიდეოებს აწვდიდა Al-jazeera-სა და სხვა მედია წყაროებს. ღაზას სამთავრობო მედიაზე დაყრდნობით, პალესტინელი ჟურნალისტების მკვლელობის რაოდენობამ ომის შემდეგ 175-ს მიაღწია.

ჟურნალისტების დაცვის კომიტეტი (CPJ) აცხადებს, რომ სულ მცირე 128 ჟურნალისტი და მედიის წარმომადგენელი, ისევე როგორც 41 000, ადამიანი არის მოკლული ღაზაში, იმის შემდეგ, რაც ისრაელმა პალესტინასთან ომი დაიწყო.

მოკლული ჟურნალისტის კოლეგებმა და ღაზას სამთავრობო მედიის ოფისმა დაადასტურეს ჰამად-ის სიკვდილი და თქვეს, რომ მის გასაჩუმებლად, მუქარების გაგზავნის შემდეგ, მას განზრახ დაესხნენ თავს.

“დილის 6 საათზე, მან დამირეკა და მთხოვა, რომ მისი ბოლო გადაღებული ვიდეო გამეგზავნა. ამის შემდეგ რამდენიმე წამიც არ გასულა, როცა მან თქვა, “აქ არიან, აქ არიან, მორჩა, დასრულდა..” და დაკიდა ტელეფონი” — დასძინა მისმა ერთ-ერთმა კოლეგამ.

Al-Jazeera-ს მიერ დადასტურებული ინფორმაციით, ჰამადის სხეული მრავალ ნაწილად დაშლილი და ყუთებში ჩალაგებული იპოვეს.

ჰამადი დამოუკიდებელი ჟურნალისტი იყო, რომელიც ღაზაში მიმდინარე მოვლენებს იღებდა და ასაჯაროებდა.

ისრაელის მთავრობას მის სიკვდილთან დაკავშირებით ჯერ-ჯერობით კომენტარი არ გაუკეთებია.