2025 წლის ბიუჯეტის პროექტის მიხედვით, საერთაშორისო დონორების მიერ გამოყოფილი გრანტების რაოდენობა მკვეთრად, 129.8 მილიონი ლარიდან 41,3 მილიონამდე მცირდება.

უცხო სახელმწიფოთა მთავრობებისგან მიღებული გრანტები დაახლოებით 17 მილიონს შეადგენს, რაც წინა წლის გეგმაზე 3 მილიონით ნაკლებია.

სულ საერთაშორისო დონორებისგან დაახლოებით 60,3 მილიონი ლარის ოდენობის გრანტის მიღებაა გათვალისწინებული, როცა 2024 წლის ანალოგიური მაჩვენებელი 151 მილიონ ლარს შეადგენდა.

საერთაშორისო ორგანიზაციებიდან საქართველოს ყველაზე მსხვილი დონორი ევროკავშირია, თუმცა მისი გრანტის ოდენობა 2025 წლის პროექტით 7 მილიონი ლარია, როცა 2024 წლის გეგმა 105 მილიონი ლარი იყო.