აშშ-ის პრეზიდენტი ჯო ბაიდენი არ ემხრობა ისრაელის მიერ ირანის ბირთვულ ობიექტებზე თავდასხმას. ამის შესახებ CNN წერს.

ბაიდენის თქმით, აშშ ისრაელთან განიხილავს, თუ როგორ უნდა უპასუხონ ირანის სარაკეტო თავდასხმას. ბაიდენმა აღნიშნა, ის ესაუბრა "დიდი შვიდეულის" ლიდერებს და შეთანხმდნენ, რომ ისრაელმა ირანის თავდასხმას პროპორციულად უნდა უპასუხოს.

"ირანმა ძალიან გადაუხვია მიმართულებას", – აღნიშნა ბაიდენმა.

შეგახსენებთ, რომ წუხელ ირანმა ისრაელს სარაკეტო შეტევა განახორციელა და ქვეყანაში დაახლოებით 180 ბალისტიკური რაკეტა გაისროლა. თეირანის განცხადებით, ეს არის ირანის პასუხი მისი მოკავშირეების — დაჯგუფებების ჰამასის და ჰეზბოლას ლიდერების მკვლელობაზე ისრაელის წინააღმდეგ ბრძოლაში.