საქართველოს პრეზიდენტი, სალომე ზურაბიშვილი ევროკომისიის პრეზიდენტ ურსულა ფონ დერ ლაიენს ხვდება. ამის შესახებ ინფორმაციას პრეზიდენტის ადმინისტრაცია ავრცელებს.

მათი ცნობით, შეხვედრა ბრიუსელში ცოტა ხნის წინ დაიწყო. მანამდე პრეზიდენტი ევროპული საბჭოს პრეზიდენტს შარლ მიშელს შეხვდა.

პრეზიდენტი სალომე ზურაბიშვილი ევროპის რამდენიმე ქვეყანაში, მათ შორის — საფრანგეთში, გერმანიასა და პოლონეთში იმყოფებოდა. გერმანიაში ის პრეზიდენტ ფრანკ-ვალტერ შტაინმაიერს შეხვდა, პოლონეთში პრეზიდენტ ანჯეი დუდას.