24 სექტემბერს, ნიუ-იორკში, გაეროს 79-ე გენერალურ ასამბლეაზე, ერთმანეთს თურქეთის პრეზიდენტი რეჯეპ ტაიპ ერდოღანი და სომხეთის-პრემიერ მინისტრის ნიკოლ ფაშინიანი შეხვდნენ. როგორც სომხური მედია წერს, მათ ორი ქვეყნის ურთიერთობების ნორმალიზების საკითხში “მნიშვნელოვან პროგრესს” მიაღწიეს.

ქვეყნის ორ ლიდერს შორის შეხვედრა ითვლება როგორც იშვიათი შეხვედრა, რადგან ქვეყნებს დიპლომატიური ურთიერთობები 1993 წლის შემდეგ გაწყვეტილი აქვთ.

შეხვედრაზე ორი ქვეყნის ურთიერთობების ნორმალიზაციის პროცესის ფარგლებში გადადგმულ ნაბიჯებსა და არსებულ შეთანხმებებზეც ისაუბრეს.

საუბარი ასევე შეეხო რეგიონულ საკითხებსაც, თუმცა ამ თემაზე დეტალები არ დაუზუსტებიათ.

ფაშინიანის ოფისი იუწყება, რომ “ხაზი გაესვა მზადყოფნას, გაგრძელდეს ნორმალიზაციის პროცესი ყოველგვარი წინაპირობის გარეშე და ახალი იმპულსი მისცეს ურთიერთობებს”.

სომხეთის პრემიერ მინისტრმა, ერდოღანს “ინფორმაცია მიაწოდა სომხეთ-აზერბაიჯანის მოლაპარაკებების პროცესში არსებულ ვითარების, ურთიერთობათა მოგვარების შესახებ შეთანხმების ხელმოწერის მზადყოფნას, ისევე, როგორც სომხეთის მთავრობის ინიციატივის, “მშვიდობიანობის გზაჯვარედინის” შესახებ”.

“მშვიდობიანი გზაჯვარედინი” 2023 წელს, სომხეთის მიერ თბილისში წარდგენილი ინიციატივაა. ეს ითვალისწინებს სამხრეთ კავკასიისა და უფრო ფართო შავი ზღვის რეგიონში საკომუნიკაციო არხების გახსნას, ასევე, კავშირების აღდგენას თურქეთისა და სომხეთის ტერიტორიებს შორის.