24 სექტემბერს, აშშ-ის პრეზიდენტი, ჯო ბაიდენი გაეროს გენერალურ ასამბლეაზე გამოსამშვიდობებელ სიტყვას წარმოთქვამს. ეს მისი ბოლო გამოსვლა იქნება ამ ფორუმზე.

აშშ-ის პრეზიდენტის სიტყვასთან დაკავშირებით ფიქრობენ, რომ ის შეიძლება შეეხოს ახლო აღმოსავლეთის, ღაზის სექტორის და ლიბანში ისრაელის ომებს, ისევე სუდანში 17-თვიანი სამოქალაქო შეიარაღებული კონფლიქტის დასრულების აუცილებლობას.

ბაიდენი, საპრეზიდენტო არჩევნების შემდეგ, თანამდებობას გამარჯვებულს გადააბარებს. ის გაეროს გენერალურ ასამბლეაზე, ტრადიციის მიხედვით, ბრაზილიის წარმომადგენლის შემდეგ, 24 სექტემბრის დილის სესიაზე გამოვა.