ჩინურმა სოციალურმა ქსელმა და ვიდეოპლატფორმა TikTok-მა რუსულის სახელმწიფო სააგენტო Sputnik-ის და RT International-ის ანგარიშები დაბლოკა.

RT-ის ცნობით, TikTok-მა დაბლოკვის მიზეზი არ დაასახელა. ბმულზე გადართვისას ეწერება შეტყობინება: "ეს ანგარიშები ვერ მოიძებნა".

17 სექტემბერს, ამერიკულმა კომპანია Meta-მ, რომელიც რამდენიმე პლატფორმას ფლობს, მათ შორის Facebook-ს, Instagram-ს და WhatsApp-ს, განაცხადა, რომ საკუთარ პლატფორმებზე, კრემლის დაქვემდებარებაში მყოფ რუსულ სახელმწიფო არხებს RT-ს და მედიაჯგუფ რასია სივოდნიას დაბლოკავდა.

მანამდე, შეერთებული შტატებმა სანქციები დაუწესა მედიაჯგუფის რასია სივოდნიას და მის დირექტორ, დმიტრი კიცელევას, ტვ-ნოვოსტის (ტელეარხ RT-ს იურიდიულ პირს) და ასევე არასამთავრობო ორგანიზაცია ეურაზიას და მის დამფუძნებელს, ნელი პარუტენკოს.

ამერიკის სახელმწიფო მდივანმა, ენტონი ბლინკენმა განაცხადა, რომ რასია სივოდნია, რია ნოვოსტი, სპუტნიკ და RT რუსეთის სადაზვერვო სამსახურებზე მუშაობენ. მან ისინი მთელ მსოფლიოში "დეზინფორმაციის გავრცელებაში დაადანაშაულა.