ილონ მასკმა, რამზან კადიროვს Tesla-ს მანქანა Cybertruck დისტანციურად გაუთიშა — ამის შესახებ ჩეჩნეთის ლიდერი რამზან კადიროვი Telegram-ზე წერს.

"ულამაზოდ მოიქცა ილონ მასკი. გულით მაჩუქა საჩუქარი და მერე დისტანციურად გათიშა. ალბათ გახსოვთ Cybertruck-ი, რომელსაც ტყვიამფრქვევი დავუმაგრეთ და სპეციალურ სამხედრო ოპერაციაში გავგზავნეთ. მანქანა საბრძოლო დავალებებს შესანიშნავად ასრულებდა. ხოდა, ცოტა ხნის წინ, მასკმა მანქანა დისტანციურად გათიშა. არაკაცური საქციელია. მოგვიწია რკინის ცხენის ბუქსირით გამოტანა. აბა ასე როგორ შეიძლება, ილონ"? – წერს კადიროვი.

ცნობისთვის, რამზან კადიროვმა, 17 აგვისტოს, გამოაქვეყნა ვიდეო სადაც განაცხადა, რომ მასკისგან საჩუქრად ელექტრომობილი მიიღო, რომელსაც უკრაინაში რუსეთის მხარეს მებრძოლებს გადასცემს "შესაფერის პირობებში" გამოსაყენებლად.

კადიროვის სიტყვებზე დაყრდნობით ჟურნალისტმა სეტ აბრამსონმა მასკი გააკრიტიკა.

19 აგვისტოს მასკმა სოციალურ ქსელ X-ში მანქანის ჩუქების ამბავი უარყო, ხოლო ჟურნალისტს ჩამორჩენილი უწოდა.

"მართლა ასეთი ჩამორჩენილი ხარ და იფიქრე, რომ რუს გენერალს Cybertruck(Tesla-ს ერთ-ერთი მოდელ) ვაჩუქე"? – წერდა სოციალურ ქსელში მასკი.