წუხელ უკრაინელებმა რუსების მიერ გაშვებული ყველა დრონი გაანადგურეს, - ამის შესახებ ინფორმაციას უკრაინის საჰაერო ძალები ავრცელებს.

19 სექტემბრის ღამეს უკრაინამ 42 რუსული უპილოტო საფრენი აპარატი და 1 რაკეტა გაანადგურა. ამის შესახებ ინფორმაციას საჰაერო თავდაცვის ძალები ავრცელებს.

"ოკუპანტებმა ხარკოვის ოლქს ბელგოროდის ოლქიდან სამი S-300/S-400 საზენიტო მართვადი რაკეტით, ზაპოროჟიეს ოლქის საჰაერო სივრციდან ერთი X-59/69 მართვადი რაკეტითა და Shahed-ის ტიპის 42 დრონით დაარტყეს", – ნათქვამია უკრაინის საჰაერო ძალების მიერ გავრცელებულ ინფორმაციაში.

დრონები ჩამოაგდეს დნეპროპეტროვსკის, კიევის, ვინიცის, ჟიტომირის, როვენის, ჩერკასის, კიროვგრადის, ნიკოლაევის და ხერსონის ოლქებში.