აშშ-ის პრეზიდენტობის კანდიდატმა, დონალდ ტრამპმა განაცხადა, რომ ის, სავარაუდოდ, უკრაინის პრეზიდენტ ვოლოდიმირ ზელენსკის აშშ-ში შეხვდება.

ცნობისათვის, უკრაინის პრეზიდენტი მომავალ კვირაში აშშ-ში ჩასვლას გეგმავს, სადაც გაერო-ს უშიშროების საბჭოს სხდომაზე სიტყვით გამოვა. ინფორმაციას Reuters ავრცელებს.

"სავარაუდოდ, დიახ", – ასე უპასუხა ტრამპმა ჟურნალისტის კითხვას, შეხვდება თუ არა უკრაინელ ლიდერს.

მანამდე, ზელენსკიმ განაცხადა, რომ სურს, სამშვიდობო გეგმა წარუდგინოს აშშ-ის პრეზიდენტ ჯო ბაიდენს და პრეზიდენტობის კანდიდატებს, კამალა ჰარისსა და დონალდ ტრამპს.